venres, 15 de maio de 2015

Biblioconcerto do 25 de abril

Coñecemos moitas cousas para as que vale a MÚSICA, e neste abril descubrimos que tamén vale como sinal para que todo un pobo saia á rúa a expresarse cunha única voz. No caso da REVOLUÇAO DOS CRAVOS, o 25 de abril de 1974, os nosos veciños portugueses saíron á rúa cun carabel vermello e unha cantiga: GRÂNDOLA, VILA MORENA, de Xosé Afonso.
Nós quixemos facer unha homenaxe no concerto da biblio, cantando todas as cancións que coñecemos en português.

Porque a Arte non é só cousa de Artistas nin a Música só cousa de Músicos....



Biblioconcerto 25 de abril from Isabel on Vimeo.

Así preparamos os nosos carabeis para levar ao concerto...


Cravos from Isabel on Vimeo.

luns, 9 de febreiro de 2015

Biblioconcerto do Día da Paz

O Día da Paz tivemos un novo Concerto na Biblio. Esta vez os músicos foron guitarristas e unha cantante!!!
Mirade que ben o fixeron:


domingo, 23 de novembro de 2014

Biblioconcertos

Este ano decidimos levar a nosa arte sonora á Biblio. Por iso teremos concertos nela un dos últimos venres de cada mes.
Comezamos en outubro con "AS LANDRIÑAS DO CARBALLO", cantareir@s e pandereteir@s de 2ºA, 2ºB e Dani dos Sapiens. Acompañounos a súa profe da Cultural de Reboreda, Erika, á que lle agradecemos moitísimo a colaboración e lle damos a noraboa. Foi todo un éxito!!! Mirade se non....

http://biblioblogreboreda.blogspot.com.es/2014/11/biblioconcertos.html

E o pasado venres 21 celebramos Santa Icía, patroa d@s músic@s, cun concerto no que as instrumentistas foron algunha das profes do cole. Iso sí, o público presente participou cantando con moito entusiasmo.

¡¡¡Que bonito é facer música entre todos!!!


venres, 31 de outubro de 2014

sábado, 11 de outubro de 2014

¡¡¡Literatura, Pintura, Escultura e Música!!!

O próximo xoves 16 de outubro ás 20:00 hs. presentarase o libro "RETALLOS NO VENTO" de Ferxo Mourenza no Multiusos da Xunqueira.
Mesturarase coa Exposición de pintura e escultura
"A TRES MANS" dos artistas plásticos Lolo Nantes, 
Rosa Mozo e Fernando Morales
E tamén co JAZZ  de Alberto Vilas Trío.

¡¡¡TODA UNHA MOSTRA DE ARTE EN INTERACCIÓN!!!
se podedes, non deixedes de asistir

martes, 7 de outubro de 2014

Música para danzar

MÚSICA e DANZA son irmás dende os comezos da civilización. A súa orixe pérdese no tempo e sería imposible dicir cal naceu primeiro.

En ÁFRICA



En CHINA, estas 21 bailarinas interpretan a danza sen poder escoitar a música porque son sordomudas.



Na DANZA CLÁSICA, este ballet ruso de Kirov interpreta a "Danza dos Mirlitóns" do Crebanoces, de Tchaikowsky



Dous exemplos de DANZA CONTEMPORÁNEA



domingo, 5 de outubro de 2014

Música para nacer...

Mirade o que nos conta a poeta africana Tolba Phanem

 

Música ¿para que?

Nestes días estivemos preguntándonos para que cousas serve a MÚSICA, que facemos os seres humanos con ela dende os comezos da civilización ata agora. E atopamos moitísimas respostas!!!

ImageChef Word Mosaic - ImageChef.com

venres, 3 de outubro de 2014

¡¡¡RETOMAMOS!!!

Logo dun longo descanso involuntario, retomamos a comunicación neste espazo con ilusión.
Este ano a nosa curiosidade estará posta nas ARTES.
Sabiamos que a música é unha linguaxe que pertence ao universo artístico, pero descoñeciamos por que se chamaba así, entón puxémonos a investigar...
E descubrimos que a palabra MÚSICA ven do grego e quere dicir  "A ARTE DAS MUSAS".
As musas eran as nove fillas de Zeus e Mnemósine (deusa da memoria), e polo visto eran as encargadas de animar cantando e danzando as festas dos deuses do Olimpo. Seica tiñan unhas voces marabillosas, e a elas debémoslle o nome de todo o que facemos co SON.
Os artistas cando necesitan inspiración agardan a súa visita.

 Elas son
CALÍOPE: a musa inspiradora dos que escriben poesía épica, aquela poesía que conta aventuras de heroes.
ERATÓ: musa dos que escriben poesía lírica, a que expresa os sentimentos do propio poeta.
POLIMNIA: musa dos creadores de cantos sagrados e himnos dedicados aos deuses.
EUTERPE: musa da música e dos tocadores de frauta.
CLÍO: musa da historia.
URANIA: musa da astronomía.
TERPSÍCORE: musa da danza.
MELPÓMENE: musa da traxedia, que é o teatro grego que representaba historias de deuses, heroes e reis. Rematan sempre de maneira fatídica coa morte ou destrución do personaxe principal.
TALÍA: musa da comedia, teatro que representaba escenas con personaxes comúns que provocaban risa.


luns, 19 de maio de 2014

Paisaxe Sonora

Alá polo outono-inverno, dúas compañeiras fixeron tomas da paisaxe sonora da súa contorna máis próxima.
María González, de 3ºB gravou o son das
campás da Igrexa de Redondela.
E Gabriela Gesteira, de 4ºA fixo outro tanto no
San Martiño en festas.